迷日食堂

Open Now

Now Closed

葵廣三樓發現專賣日式炸物嘅外賣店「迷日食堂」，門面全粉紅色系，好少女🤣。店舖標明採用全日本食材，呢點好大吸引力🤩。落單後即叫即造，質素有保證👍🏻等候7分鐘左右就有得食。另外一讚店家提供嘅並不是一般紙袋，而係不透油，內籠有層膠面嘅袋，要讚。爆汁肉彈+蝦蝦薯彈($45)••••••熱辣辣爆汁肉彈內餡係由日本和牛、北海道洋蔥製作，咬開確實充滿肉汁🥳，伴隨而嚟係濃郁洋蔥香氣，肉眼都真係見到貨真價實嘅洋蔥碎㗎！金黃色蝦蝦薯彈口感截然不同，一咬落去食到香甜淡黃色嘅北海道馬鈴薯蓉，蝦肉多爽口鮮味😋。秘製雞肉彈($22)••••••香脆日本雞肉炸完仲好嫩滑，炸粉好薄唔會好油，足夠保留肉汁，醃製調味恰當，完全唔需要任何額外醬汁，好味☺️。