Cow Bean (TKO Gateway) (Closed)

Cow Bean——牛豆？經過TKO Gateway見到個名幾得意，睇睇餐牌先知原來呢間餐廳主打牛同咖啡，所以餐廳就用左牛同咖啡豆個豆命名啦。三色丼「三色」的意思是指用了三款牛：肉眼牛扒，肥牛和牛柳。食呢道菜就可以一次過試曬三款牛，真系一次過滿足你三個願望，啱曬我呢d花心嘅人呀！三款牛為這道菜增添了多重層次，為味蕾為來新鮮感。飯淋上日式醬汁，甜甜地，飯用上珍珠米，為這道菜色添上日式風味！飯面上曬上很多白蘿蔔絲，重有蔥花同洋蔥，牛配洋蔥同吃可減輕油膩感，吃起來更香口。中間有溫泉蛋，飯撈埋d蛋汁一齊食，好滋味呀！又試左美國安格斯西冷牛扒，食起黎感覺有嚼勁，比較「煙韌」，要慢慢嘴嚼先食得曬。美國肉眼扒切得較西冷薄身，較西冷柔軟腍身同易咬。忙住用手機影相，影影下冇乜電，又冇帶叉電器，於是惟有擔粗粗問下侍應餐廳有冇叉電器借，點知真係有，重唔使比按金！真的令我十分驚喜！這個服務真貼心！除左服務貼心周到，環境都好影響餐廳對顧客的印象。餐廳設有不少卡位，務求讓客人坐得舒適，可以在一個舒適的環境用餐。