Lion Rock (Closed)

黃氏力牆第一次寫食評就係寫呢一間酒店嘅半自助午餐啦！我帶着我最愛的女兒一齊啦去食餐飽！我個女兒超級鍾意，因為食物嘅種類10分之多！我已經影晒俾大家睇啦！仲有羅宋湯以及杏仁茶冇影俾大家睇！全部食物嘅質素都係中上非常之好，沙律十分之新鮮，而且調味唔會十分之濃。呢一度新鮮為主打，所以帶住我嘅女兒喺呢一度食嘢食得安心又放心！三歲以下嘅小朋友係唔收費架！其實呢一度食嘢都好旺場㗎，如果大家真係呢一度食一定要留位先至好呀，當日係星期五嘅下晝，差唔多有九成嘅入座率啊！呢一度食嘢真係用料一流及新鮮！而且位置喺火車站樓上，環境光猛，食得舒適坐得舒適，最值得讚嘅就係呢度嘅服務員態度非常非常之好！所以佢哋俾咗一份評分表格我，我都寫非常之滿意!其實佢嘅餐牌上邊有好多唔同嘅選擇，我哋選擇咗點心拼盤以及叉燒乳豬飯！呢兩個係最多人叫嘅，而且可以睇到師傅嘅廚藝，大家都知呢間酒店嘅中廚部係好出名㗎啦！食完之後佢哋會送返一張優惠券給你，提供八折優惠喺限期之內再食！