Video
Read full review
2022-01-29
330 views
心血來潮好想食辣嘢，見到呢間有好多分店，而我又未食過，咁梗係要試吓😌揀咗四樣嘢外賣返屋企食，一個香辣鍋、麻婆豆腐、乾煸四季豆同埋涼拌土豆絲。佢哋效率非常之快，等咗10分鐘就齊晒～🍴經典香辣鍋揀咗小辣，田雞、滷水肥腸、牛柏葉，嫩牛肉，寬粉，每一樣都好入味，辣度黎講我覺得啱啱好，香口惹味，最鍾意田雞肉超級嫩滑🍴極品麻婆豆腐因為唔食蔥關係我走咗蔥，香、麻味都夠，豆腐重超級軟滑而且豆味濃郁🍴乾煸四季豆四季豆同欖菜真係最佳嘅配搭，味道鹹香回甘，四季豆又唔會太乾身，呢個真係送飯一流🍴涼拌土豆絲呢個又係我必食嘅，因為酸酸辣辣好開胃，口感爽脆，食到停唔到口外賣返屋企都覺得好食，我相信堂食應該會重惹味，有返晚市嘅時候要再去食過🤭整體都好滿意
揀咗四樣嘢外賣返屋企食，一個香辣鍋、麻婆豆腐、乾煸四季豆同埋涼拌土豆絲。佢哋效率非常之快，等咗10分鐘就齊晒～
🍴經典香辣鍋
揀咗小辣，田雞、滷水肥腸、牛柏葉，嫩牛肉，寬粉，每一樣都好入味，辣度黎講我覺得啱啱好，香口惹味，最鍾意田雞肉超級嫩滑
🍴極品麻婆豆腐
因為唔食蔥關係我走咗蔥，香、麻味都夠，豆腐重超級軟滑而且豆味濃郁
🍴乾煸四季豆
四季豆同欖菜真係最佳嘅配搭，味道鹹香回甘，四季豆又唔會太乾身，呢個真係送飯一流
🍴涼拌土豆絲
呢個又係我必食嘅，因為酸酸辣辣好開胃，口感爽脆，食到停唔到口
外賣返屋企都覺得好食，我相信堂食應該會重惹味，有返晚市嘅時候要再去食過🤭整體都好滿意
Post
