Video
Read full review
2018-08-26
101 views
通常星期一夜晚肥妹仔都會同肥妹仔嘅老死一齊食飯，今日我哋就去咗銅鑼灣搵食。經過時代廣場見到對面有一間食肆嘅大廈， 有好多餐廳，不過肥妹仔就畀地下嘅一間食泰國菜嘅舖頭吸引到，於是就決定入去試下啦。入邊嘅裝修都好新潮，好型格， 一啲都唔陳舊! 而且座位闊落，坐得好舒服。酸辣炒咖哩配大蝦 $98肥妹仔叫呢一個咖哩其實係想點印度薄餅食嘅，不過佢呢一個咖哩好特別，唔似我哋平時喺出麵食開嘅黃咖哩!因為佢呢一個咖哩係酸味比較重，有少少似泡菜嗰種酸味嘅感覺，入邊嘅蝦雖然唔算好大隻，不過份量就好多，而且肉質爽口彈牙，吸咗咖哩嘅辣味同酸味，食落去好醒胃! 佢嘅咖哩唔算太杰身，有少少似湯咖哩嘅感覺，所以食落去一啲都唔漏。印度薄餅 $38呢個印度薄餅肥妹仔同朋友都一致贊同同覺得好好食!因為佢呢個薄餅係好重牛油味，外皮係煎到好鬆化好酥軟，點埋個酸辣咖哩食簡直就係一流，冇得輸!蛋包大蝦炒金邊粉 $98澱粉質人士嘅我叫嘅!佢嘅蛋包大蝦炒金邊粉份量都幾多先，金邊粉食落去好彈牙，麵條炒到剛剛好，唔會好乾，都幾濕潤!金邊粉嘅醬汁有少少似茄汁，酸酸甜甜，撈埋旁邊嘅花生碎嚟食好香亦都好有咬感! 金邊粉嘅外面仲有一層薄薄嘅蛋包
入邊嘅裝修都好新潮，好型格， 一啲都唔陳舊! 而且座位闊落，坐得好舒服。
酸辣炒咖哩配大蝦 $98
肥妹仔叫呢一個咖哩其實係想點印度薄餅食嘅，不過佢呢一個咖哩好特別，唔似我哋平時喺出麵食開嘅黃咖哩!因為佢呢一個咖哩係酸味比較重，有少少似泡菜嗰種酸味嘅感覺，入邊嘅蝦雖然唔算好大隻，不過份量就好多，而且肉質爽口彈牙，吸咗咖哩嘅辣味同酸味，食落去好醒胃! 佢嘅咖哩唔算太杰身，有少少似湯咖哩嘅感覺，所以食落去一啲都唔漏。
印度薄餅 $38
呢個印度薄餅肥妹仔同朋友都一致贊同同覺得好好食!因為佢呢個薄餅係好重牛油味，外皮係煎到好鬆化好酥軟，點埋個酸辣咖哩食簡直就係一流，冇得輸!
蛋包大蝦炒金邊粉 $98
澱粉質人士嘅我叫嘅!佢嘅蛋包大蝦炒金邊粉份量都幾多先，金邊粉食落去好彈牙，麵條炒到剛剛好，唔會好乾，都幾濕潤!金邊粉嘅醬汁有少少似茄汁，酸酸甜甜，撈埋旁邊嘅花生碎嚟食好香亦都好有咬感! 金邊粉嘅外面仲有一層薄薄嘅蛋包住， 好香蛋味!而最上層仲有四隻大蝦，蝦味好濃，煎得香脆，同金邊粉一齊食好好食。
馬拉盞炒通菜 $78
泰式小食拼盤 $88
呢一個泰式小食拼盤有兩串豬肉串燒，兩塊炸蝦餅，兩塊炸魚餅，同埋兩件炸春捲。個豬肉串燒好香，個味醃得剛剛好，好香燒烤既味道!點埋個黃咖哩醬一齊食好好食。 炸蝦餅同炸魚餅就炸到外皮，脆卜卜，非常脆口!蝦餅個蝦味都幾濃， 而魚餅就有好多香料嘅味道， 最後個炸春捲外表炸到脆卜卜，入面有雲耳，蘿蔔絲等等，新鮮熱辣，好好食。
凍泰式奶茶 $25
肥妹仔嘅至愛，無論係港式定泰式，去到呢啲餐廳都一定會叫一杯凍奶茶嚟飲!呢一間餐廳嘅泰式凍奶茶唔會過甜，甜度剛剛好!好濃泰式奶茶嘅茶香味 ，水準不俗!!
椰青 $38
呢個係肥妹仔嘅朋友叫嘅，肥妹仔都飲咗一啖椰青水，好清甜，冇苦澀味，好好飲呀。
泰式甜品
個餐廳經理仲送咗一啲泰式甜品畀肥妹仔同朋友試下添!呢個甜品分別係用山竹同埋碟豆花做既!先講山竹嗰個啫喱， 食落去好清甜，有淡淡嘅山竹味。而個蝶豆花甜品其實就係椰汁糕加啫喱，好濃椰汁味，不過最吸睛嘅都係個淡粉藍色嘅外表，真係好靚。
肥妹仔能走嗰陣時見到有一個餐牌寫住任食!細看之下發覺原來呢一間餐廳都有任食下午茶，而且個款式仲好多添!每位$68，一啲都唔貴。如果有機會肥妹仔下次一定會嚟試下呢一個下午茶!經理仲介紹咗佢哋嘅下午茶擺盤，好靚，好似喺酒店食嘅下午茶一樣，只不過係泰式風味而唔係西式咁樣， 肥妹仔真心覺得好靚。
Post
