肥公車仔麵 (Closed)

同事們大部分都放假，今日自己一個去食我至愛既車仔麵。呢間車仔麵係一個舊同事（肥仔）介紹我食，仲記得呢個肥仔以前係叫5-6餸加麵。為左避開人多既時候，我12:40pm 已經到左。例牌都係叫豬腸，雞翼尖，蘿白加米粉，三餸一麵都係$26。重點都唔係佢平，而真係好好味。湯底係香濃腩汁，我平時食粉麵都會加辣椒油，但每次黎食肥公我都唔會加辣油。今日個蘿白好甜無渣，豬腸夠淋又入味，雞翼尖又係勁入味，份量仲好多至少8隻尖。係旺角區用$30以下食到咁豐富又好味既午餐都應該無乜幾多間。