意八餐廳 (Closed)

通常午餐時間意八都好多人等位，今日好好彩早左去，唔洗等就可以入坐。餐牌有好多選擇，無論係珍珠飯定扁意粉，拉麵定Pizza，總有一款啱到口味。我個人比較欣賞意八的炒飯同天使麵，至於朋友就選左扁意粉。浦燒鰻魚玄米炒飯 玄米炒飯唔會太乾或者太濕，而且唔會得好少鰻魚，加上粟米同冬菇，味道都唔錯。香辣意式蕃茄帆立貝海鮮扁意粉 朋友叫左小辣，變左比較香蕃茄味，而且真係有好多海鮮配料，好抵食下。雜菜湯 值得一提係雜菜湯都好足料，而且都好飲架。整體而言，$50 有個大大分的午餐，仲要有餐湯或餐飲，味道又唔錯，想食好少少又唔想太貴，意八餐廳絕對係好選擇。