好味餃子店

Open Now

Now Closed

天氣凍凍地又陰陰地，最好就係食啲熱嘢。星期六就同朋友去咗呢間「好味餃子」，佢係主打做餃子嘅食店。可能因為天氣凍，所以今日比較想食有湯嘅嘢，咁我哋就叫咗湯餃子：芹菜肉餃同埋芫荽肉餃。好多時候食呢啲餃會好驚佢好少肉喺裏面，但係「好味餃子」嘅芹菜同肉嘅比例好適中。而芫荽餃子嘅芫荽唔算太多，所以如果怕嗰陣味嘅人都可以試吓。標準單點一碗有10隻咁多，隻隻都好大粒， $50都唔使。另外我哋試咗佢加餸嘅豬手（$34），豬手勁入味，雖然唔係用薑醋整，但係就好香嘅滷水味，總言之呢間店係長沙灣必須要試嘅小店。