Video
Read full review
2019-11-03
156 views
今日同朋友過大圍食飯吹水，其實大圍有好多小店，路經呢間糖水舖勁多人喺門口，一定係好野啦！開頭諗住食完飯過嚟食甜品，望吓餐牌先發覺原來有麵食，於是決定喺度食埋晚餐，等左一陣已經涉到兩個位入去。鋪頭應該新開，連門口招牌張紙都未撕，店舖細細裝修簡潔，牆身貼左好多甜品嘅相，我哋叫咗一個「牛腩牛筋台灣麵」（ $58 ）同埋「冰鎮豬手讚岐烏冬」（ $68 ）。老闆娘好熱情招呼，由我地揀食咩到上菜都好熱心推介佢嘅食物，佢話啲嘅麵湯底係養生湯，用天麻、大蒜、香茅等材料淆咗好多個鐘而成，確實又真係好好味，我成碗飲晒，而且啲牛筋牛腩炆得好腍，好好味！「冰鎮豬手讚岐烏冬」有幾塊切片豬手，烏冬勁彈牙撈左胡麻醬好香，仲有中華沙律同辣味螺肉配合，唔錯。如果份量再多一點會更佳。食完主菜梗係要叫埋甜品，我哋一路食已經一路留意住，幾乎每枱都叫呢個「金箔龍眼冰」（原價$55 ，特價$48 ），一於跟風！哈哈！果然係好嘢，首先賣相已經攞滿分，好似雪山一樣，龍眼有好多粒，超級勁甜。個頂有金箔，仲有啲台灣水晶珠，卜卜聲好有咬感好得意。至於下面嘅刨冰，老闆娘話用鮮奶、椰青水、龍眼打爛然後說十幾個鐘頭，到上枱時才攞出黎刨，事實上真
鋪頭應該新開，連門口招牌張紙都未撕，店舖細細裝修簡潔，牆身貼左好多甜品嘅相，我哋叫咗一個「牛腩牛筋台灣麵」（ $58 ）同埋「冰鎮豬手讚岐烏冬」（ $68 ）。
老闆娘好熱情招呼，由我地揀食咩到上菜都好熱心推介佢嘅食物，佢話啲嘅麵湯底係養生湯，用天麻、大蒜、香茅等材料淆咗好多個鐘而成，確實又真係好好味，我成碗飲晒，而且啲牛筋牛腩炆得好腍，好好味！
牛腩牛筋台灣麵
$58
22 views
0 likes
0 comments
「冰鎮豬手讚岐烏冬」有幾塊切片豬手，烏冬勁彈牙撈左胡麻醬好香，仲有中華沙律同辣味螺肉配合，唔錯。如果份量再多一點會更佳。
冰鎮豬手讚岐烏冬
$68
18 views
0 likes
0 comments
食完主菜梗係要叫埋甜品，我哋一路食已經一路留意住，幾乎每枱都叫呢個「金箔龍眼冰」（原價$55 ，特價$48 ），一於跟風！哈哈！果然係好嘢，首先賣相已經攞滿分，好似雪山一樣，龍眼有好多粒，超級勁甜。個頂有金箔，仲有啲台灣水晶珠，卜卜聲好有咬感好得意。至於下面嘅刨冰，老闆娘話用鮮奶、椰青水、龍眼打爛然後說十幾個鐘頭，到上枱時才攞出黎刨，事實上真係食得出個味道係鮮甜，唔係普通水製刨冰加汁，真心推介。
金箔龍眼冰
$48
20 views
0 likes
0 comments
另外仲叫咗個「櫻花椰汁芒果紫米露」，都好好食，芒果好甜，原來仲可以比客人揀甜芒果定偏酸嘅芒果，真係未聽過。所謂櫻花係一啲粉紅色嘅珍珠咁樣，好有咬感。紫米露仲有補血功效添！
櫻花椰汁芒果紫米露
12 views
0 likes
0 comments
呢度仲有儲印花， 食夠$50蓋一個印，儲夠10個就送一個客甜品，而且仲唔收加一，幾抵喎！
Post
