竹地館

Open Now

Now Closed

星期六難得出城，途經土瓜灣，又好耐冇食滷水，上網見到呢間評價唔錯，就嚟試吓。第一次食，就買咗個滷水拼盤返屋企食。舖頭衛生情況都唔錯，有玻璃隔住晒，啲滷水唔會暴露喺街外面，呢樣野喺疫情底下尤其重要。唯一係姐姐切滷水速度比較慢。基本上樣樣都好味，如果叫我淨係揀一樣嚟買，都好難揀。腩肉係有帶軟骨嘅，老公好鍾意。腸、腎、豆腐都好食，反而係隻蛋味唔太夠。份量都好多，兩個人食都食唔晒，晚餐可以繼續。Send 相俾屋企人估下幾錢，大家都估最少要百一、二蚊。