炯記餐室 (沙咀道)

Open Now

Now Closed

炯記呢間店舖好有名，網上都見到有不少好評💕💕食物方面種類有很多，基本上燒味，豬手，手撕雞較為有名。而店內都有二人餐/四人餐，樣樣有啲。今日首先試咗煙燻燒鵝飯，價錢公道，$60🤩🤩🤩大大份，好抵食。海蜇燻蹄酸辣爽口，食完熱食食返個涼拌菜，爽呀！選擇困難症下揀咗炯記四寶撈麵，即係有叉燒、紅腸、手撕雞、豬手。叉燒肥瘦勻稱，啖啖肉，食完都唔會好大罪惡感。手撕雞具而鹹香，肉質亦唔會鞋口 。豬手好香好入味，所以都額外追加咗兩大舊。豬手嘅醬汁十分惹味，而且豬手好淋，就算老人家慢慢食都可以，亦都比起坊間豬手大舊。鵝油撈麵，色澤靚，食落味道啱啱好，唔會過鹹。食燒味，一定要嚟炯記！