陞記刀削麵

Open Now

Now Closed

今日去開深水埗，見依間刀削麵有幾多好評，於是就去試下啦。店面不大，大約十張檯左右，去個陣都坐得爆爆地，好在都唔洗等就有位，我地叫左兩個刀削麵套餐。手撕雞上湯刀削麵 - 刀削麵份量十足，淨係食麵都好夠飽，刀削麵食落煙韌，湯底夠味唔會過鹹，配埋麵一齊食剛好。手撕雞整得唔會un，加左啲蒜更加惹味。雞扒四川擔擔麵湯刀削麵 - 雞扒煎得好香口，非常惹味，擔擔麵湯不太辣。套餐仲有好多餸可以選擇，下次一定會再嚟。唯一缺點就係坐得有啲迫，但服務幾好既，店員都好熱情招待，大家去開深水埗可以嚟試下。