三台八座 (Closed)

今日同朋友去開西營盤，就book咗呢一間三台八座食飯。行到入去睇餐牌，選擇都唔少架，大部份都係西餐，包括有意大利飯，或者係一啲扒類嘅餐。我就點左個黑松露帆立貝鮮雜菌意大利飯。首先上嘅係餐湯羅宋湯，羅宋湯好足料，入面有好多菜粒，而湯嘅調味唔會好鹹。🔸黑松露帆立貝鮮雜菌意大利飯.首先講下份量，意大利飯好多，帆立貝都大隻架。而黑松露味好突出，意大利飯嘅軟硬度剛剛好，唔會太淋或者太硬，保持一粒粒咬口(好怕出面有啲意大利飯煮到好似糊仔咁)，同時亦都好creamy。帆立貝大粒之餘，仲好juicy，咬入口仲有汁漏出黎！🔸烤焗豬肋排配BBQ汁 配薯菜.我朋友叫左個烤焗豬肋排配BBQ汁，BBQ汁好多，豬肋排都好入味，又好淋，唔會𡁻好耐都𡁻唔完。而份量又係好多！薯角好脆好美味！.呢一間係西營盤小店，地方唔算好大，但係店員都比到一個好窩心嘅感覺，就例如食飯後果嘅時候，佢哋都會好窩心叫我地趁凍食啲生果，會再好味啲！店員都一直掛笑容喺面上！而全晚都唔會有一個好匆匆忙忙嘅感覺，喺呢度可以好relax咁樣食一餐飯。