台北巷弄 (Closed)

尋晚想食台灣菜，見呢間咁多人排隊，應該好好食，所以就買返屋企試下啦。🐔鹽酥雞扒便當 $60雞扒嘅炸粉唔會太厚，咬落鬆脆，雞肉嘅肉汁鮮甜，好適合用嚟送飯食。飯本身會有滷肉同滷肉汁，飯本身自己食都已經好好食，有埋雞扒就真係完美，雞扒嘅份量都幾多，有四五塊，啱晒食肉獸。🥣台式湯品台式便當個餐包埋台式湯品，呢個湯嘅味道有啲似關東煮嘅湯，飲落有少少胡椒味，湯入面有娃娃菜同木耳絲，都幾好味。🌶半份甜不辣 ＋$13叫左便當之後加$13就可以要半份小食，我揀左甜不辣。有兩大片圓形嘅甜不辣，切開成6份，味道正常，咬落有口感。食第一啖，原來甜不辣真係唔辣，但係唔甜。🧋仙草凍奶茶（走甜）$10（原價$20）叫左便當之後，加飲品可以減$10，所以呢杯飲品只需$10，抵。凍奶茶我叫咗走甜，因為自己本身唔係好鐘意食太甜嘅嘢，走甜嘅奶茶可以清楚品嘗到茶同奶本身嘅味道，幾有意思，苦苦哋配翻甜甜哋嘅仙草，成個感覺唔錯。價錢幾抵就可以食到一餐豐富嘅台灣菜，開心。