黑布小巷 (黑布街) (Closed)

老實講旺角隨街都係掃街小食店，但真心好食真唔多，今次就想介紹一間位於黑布街既台式小食店！無錯！一見到個menu，我真心比個吐司🍞吸引住🥰，入面夾左美國穀飼豬排🥩，食落都唔奀唔多筋，落左少少黑椒都唔錯！張相最吸引一定係蛋汁，入面果隻就係半熟既煎蛋🍳，因為食到蛋側面係脆，所以我唔覺係糖心蛋！而麵包應該係搽左蛋黃醬/牛油，配埋蛋漿一齊食，甜甜香香，幾開胃！羅漢果茶就無加糖，清肺潤喉，飲落好香羅漢果既清甜味，健康得嚟又岩哂黎緊乾燥既天氣。個吐司真係幾好食😋，雖然定價為$46，少貴，但勝在食材都ok，食落先有蛋既甜味，之後就有豬排既鹹香味，味道都幾夾。同埋勝在多蛋汁，唔似洪家手作果D咁乾👍🏻！除左吐司🍞，呢度仲有賣地瓜球、三色圓糖水同台式小食，大家掃街時可以試下呢間小店，真好唔錯！