三星台菜食堂 (Closed)

之前已經想黎試下呢間台式料理小店，不過上次黎既時候已經9:30岩岩遇上佢地關門，今次特登早d過黎食。店面唔係好多，大概得十零個位，不過麻雀雖小五藏俱全，裝潢簡簡單單都好舒服。menu紙細細張唔係太多選擇，我點左佢哋嘅是日推介花雕酒三星牛肉麵，三星係指，牛腱、牛筋、牛肚，同埋小食鹽酥雞。我覺得粗麵好好食，好彈牙，牛腱同牛肚整得非常淋，好入味，加埋花雕酒就更加香。鹽酥雞雖然係小食，但係份量都幾多，而且特別嘅地方係平時嘅鹽酥雞外面炸粉好多好厚，但係呢間既鹽酥雞外層炸粉好薄，完美地鎖住肉汁👍🏻👍🏻👍🏻