老鍋台式火鍋 (京都廣場) (Closed)

今晚經過銅鑼灣京都廣場又好懷念呢間台式火鍋店，想去睇吓，等15分鐘就有位，勁開心！呢度啲裝修十足十台灣，勁多天燈！今日叫左個膠原蛋白美人鍋和老饕酸菜白肉鍋，兩個鍋都第一次食，兩個都好出色，睇相都見到佢有幾足料。我同朋友覺得兩個都推介，尤其係個酸菜白肉鍋，味道好足夠，酸度夠濃，最神奇就係會越食越濃。另外都有叫個唐生菜，好新鮮，同埋鹽酥一口豆，呢個超級酥脆，食得好過癮！飲品我覺得要推介個冷泡白桃烏龍茶，有白桃香味但冇過甜！