一起食堂 (威利廣場)

Open Now

Now Closed

而家假期，觀塘都已經變到好似平日番工咁多人，行到去差唔多到碼頭個邊，搵到間台灣店試下。花雕麻油雞🐔湯面 🍜$78天氣開始凍，最岩食呢個暖身。佢俾杯花雕酒你自己落，我地試飲左一啖，好正好醇。雞件好滑，雖然係麻油湯底，但飲落去，好清，唔會整口好油既感覺。日式咖喱🍛唐揚雞飯 🍚$68雞塊岩岩炸好既感覺，都係好滑，咖哩汁係日式甜個種，唔會好辣，而且份量都幾多，夠撈飯。炸雞皮餃子 $38值得推薦既小食，裡面包既肉餡係好似香腸咁，但更滑，仲有d切碎既蔬菜粒，加上外面既炸雞皮，口感好特別。烤台灣香腸 $28 肉燥燙青菜 $22小食方面都唔錯。仙草奶茶、紅豆奶茶 $12🧋（跟餐半價）台式水準，唔錯，叫左半甜。