好好便當 (Closed)

次次搭叮叮經過呢條街都聞到好香既鹽酥雞味，今日lunch 就特登黎等位，呢間台式餐廳Lunch time 好旺好多人，裡面既位置好迫，基本上係人貼人咁滯，不過就好有台灣夜市既感覺！我同朋友點左一個排骨便當同一個雜錦拼盤小食一齊share， 排骨好香口鬆脆，飯兩個人share 都足夠，小食拼盤有花枝丸、鹽酥雞、台灣腸、香菇等，全部都炸得好香口，好味！跟餐仲有三款野飲選擇，我地叫左冬瓜茶，都係偏甜既罐裝飲品。如果介意等得耐又唔想迫人，還可以選擇叫外賣呢！