台灣麵 (Closed)

突然好想食台灣菜，所以就同朋友黎到始創嘅台灣麵食lunch。原來依加小菜類嘅lunch有8折優惠，所以我叫左個三杯雞。肉嘅分量其實吾少，有5大塊，而且好少骨。味道黎講都吾錯，醬汁味濃，麻油同米酒香就可以再濃d。跟餐有一碗菜亁湯，比較清淡，吾會好重味精。朋友叫左碗原味牛肉麵，都幾好味。湯底濃郁，麵條q彈，牛肉都好入味。尼個有一碟小菜跟，我地嘅係涼拌青瓜。就算係同一日，小菜嘅款式都有吾同，因為我地見到之後其他人嘅小菜係涼拌海帶。野飲叫左杯水果茶同椰香肧芽奶露。水果茶好大杯，亦好足料。肧芽奶露有驚喜，椰香重，奶味濃，飲落超順滑。