西門町台灣麵食 (Closed)

喺旺角行完街，想食台灣野，上網search到呢間好評如潮，就同男友黎食，原來男友好耐之前都有同朋友黎食過。店舖細，枱與枱之間都好狹窄。我地叫左一碗紅燒牛肉麵，一碗香酥豬扒麵，煎蠔卷。牛肉湯底都算濃郁，牛肉好淋，唔會“痴”牙，好入味。而且牛肉切得好厚身，好有質感。湯底好清，略嫌唔夠味，所以自己加左男友碗牛肉湯底。麵質爽口彈牙，唔會太硬，又唔會太淋。炸豬扒炸得唔夠香口，有啲淋身。蠔卷反而有驚喜，卷入面都算多蠔肉，好香好好味！初初以為係茄汁，原來係辣茄汁。雖然蠔卷係炸，但將蠔卷醮上辣茄汁，一啲都唔覺得油膩。