土司工坊 (Closed)

土司工坊除左土司好食之外佢既叻沙都唔錯咖叻沙湯底飲得出好真材實料，有椰香味。米線底，有蝦、魚片、豆卜及芽菜。南洋咖啡同南洋奶茶都係練奶底，除左練奶外仲可以揀花奶。佢既咖啡同我之前飲越南滴滴咖啡既味道好似，都係帶少少朱古力味咁，睇埋佢張介紹我就知點解會有陣特別既味道啦～（見下圖）原來佢既咖啡係以炭燒方式烘焙而成，仲混合左牛油添，有自己既風格同味道。