PAN de PAIN Pancake & Sweets (K11購物藝術館)

Open Now

Now Closed

環境：幾舒服既，枱都算大張我地大約6:00鐘到，唔洗等位直接入既。價錢：都算可以，因為其實食呢款pancake既店都要過百蚊1款，佢賣78-98呢類價，配上呢種食物口感，值得既。食物：我地3個人叫左4個pancake,因為一份唔算話太大，所以食得晒。呢款鹹pancake，好味呀，pancake夾住煙三文魚牛油果洋蔥一啖咁食好夾架，伴碟沙律菜都新鮮，整體都好好味。呢款焦糖脆多士，朋友叫既，我試左1塊仔，好脆好好味，出面既焦糖好脆然後入面係鬆軟既，所以唔錯，但我覺得咬既時候，有小小位既焦糖係有點硬。白色既係奶蓋，奶蓋味配上呢款pancake都好味，奶蓋無話太甜，食完都唔太油膩既感覺。呢款蘋果焦糖pancake,pancake做得夠空氣，好味既，配上雪糕同忌廉就更加夾，加上佢旁邊既核桃應該有用焦糖烘過，好好味。整體黎講，呢間都幾值得去食。