餃掂手工餃子雲吞專門店

今日去開西環買野餓到顛，見到有餃子快靚正可以食飽個肚，諗都唔諗就入去坐低，呢間啲餃子原來好好食，決定叫碟菜同淨係食餃子滿足下個肚先。上網一睇好多人都推薦呢度嘅龍鳳餃，原本都覺得有啲貴，不過見個樣應該都好有水準，所以一於試試，我點一碟龍鳳餃有12隻，一上枱見到每一粒都脹卜卜，好足料，正啊。龍鳯餃嘅意思原來係有鮮肉入面，再加黑松露或者白松露，湯餃仲會送埋個湯，個湯飲得出完全無味精，好清一啲都唔油，好鮮味配埋餃子一齊食唔使點咁多醬，果然好味好香又夠健康。黑松露餃子一咬開佢已經聞到陣陣松露香味，味道非常濃郁，不論用湯配合一齊食，侍應建議我試下點豆板醬食，原來都一樣好味，好正啊！