一口曲奇 (Closed)

此店係前TVB藝員總監馮美基開嘅餅店,聽講有好多明星嚟幫襯.以為好好食啦，試過後覺得不外如是，味道一般，Jenny Bakery好食過佢好多,加上價錢平過此店,總之就抵過佢多多聲啦!!幫襯一次已經夠哂.講回味道方面,有六款味道,包括有花生牛油曲奇,檸檬曲奇,牛油曲奇,特濃朱古力曲奇,杏仁曲奇同碎朱古力曲奇,味道隻隻差唔多,冇乜邊款令我印象難忘,比較鍾意係檸檬曲奇,酸酸哋,幾醒胃同特別.整體嚟講,味道一般,質感夠脆口但唔算太鬆化,可能此店為顧客健康著想,落少啲牛油啦!!