犇之食堂 (Closed)

年三十放半日終於有時間收咗工可以去銅鑼灣行年宵。喺行年宵之前當然要醫咗肚先！年三十收爐要好好慰勞自己。喺Openrice見到呢間台灣野好似唔錯，決定一試。雖然價錢唔平，但午餐時間都幾多人等位，食物質素應該都有保證，我地大概等咗20分鐘就入得。我哋叫咗一個犇之三寶麵同一個麻婆豆腐飯，飲品就叫咗香芋奶綠(+$12)同芋圓奶綠(+$15)。犇之三寶麵有牛腩、牛肚同牛筋。三樣都煮得好冧，好入味。湯頭好清無乜油，但有好香濃嘅牛味。麵質彈牙有咬口，好食。個麻婆豆腐飯都煮得唔錯，辣辣地好開胃，送飯一流。飲品係正常台飲質素，下次會試下奶蓋系列，好似唔錯。環境感覺好舒服，好有台灣食店嘅感覺，值得一提，員工服務態度好好，感覺好warmP.S. 佢個牛肉麵麵質好唔錯，幾好食，cashier隔離有得買獨立包裝，有4款味，大家有興趣可以買黎試下。