燉 (協成行灣仔中心) (Closed)

1月28日下午經過灣仔，突然想食啲輕量餐嘅嘢，見到間“燉”，於是就走入去睇下有無下午餐茶先，竟然見到有個傻豬义燒包2個$18，而朋友就揀咗個梅菜扣肉飯$38。俾咗錢之後，大約等十分鐘就有得食啦，當我見到個梅菜扣肉飯後，再加埋聞到陣味之後，嘩，實在忍唔住即刻將啲梅菜同埋啲肉汁撈飯，真係好好味，唔油亦唔會好鹹，不過梅菜真係多咗啲，而扣肉就少咗啲。食哂個飯之後，個包亦啱啱蒸好，第一眼見到個包覺得好得意，咬落個包就唔算好熱，不過入面嘅餡就好熱，但係食落就好好味。總結：食物水準比預期中好，價錢又合理，有機會一定會再光顧。