金蘭花泰國菜館

Open Now

Now Closed

九龍城好多出名嘅泰國菜食，今次試依間環境就比較舊派，舖頭位置都唔多，但都坐得舒服！兩個人嗌左個生蝦、馬拉盞炒通菜、豬頸肉同菠蘿炒飯share黎食個生蝦好新鮮，完全無腥味，依到有埋炸蝦頭同蝦尾，不過驚熱氣無試到個通菜就炒得麻麻地，可能係啲菜太老唔新鮮，有啲硬，好難咬！個燒豬頸肉好好食！燒得岩岩好，肉質係好嫩滑，完全唔會難咬，肉汁好豐富，真係忍唔住係咁食菠蘿炒飯都好食，唔會炒到好乾，好多肉鬆！野飲就嗌左泰式奶茶，不過依間個味同泰國飲就差得有啲遠，個茶味唔太一樣，有啲失望。但整體黎講依間都中規中矩嘅，唔太差但都唔太特別話好好食，除左燒豬頸肉高質外其他無乜太突出。