華麗耆素 (Closed)

終於嚟到農曆最後一個月，同大口仔去呢度食個齋先。睇地點好似普普通通咁，但睇Openrice入面嘅相佢又唔似係普通喎！原來呢度係銀杏館集團嘅其中一間餐廳，主打環球Fusion精緻素食，而大部分蔬菜、水果及香草係來自銀杏館轄下嘅「樂活有機農莊」。食物由冬蔭功、壽司、泡飯、台式素肉燥飯、漢堡、意粉、連墨西哥卷都有，夠晒fusion有創意西洋菜甘筍湯餐廳設有自助水吧，午餐+$5可以無限次飲咖啡、奶茶、檸檬茶及檸檬水。仲有是日例湯係任飲㗎，個大鍋入面充滿西洋菜及甘筍，勁足料，味道天然清甜，完全冇味精，忍唔住一口氣飲咗3碗！唔係覺得唔好意思嘅話，其實想繼續再飲！雜菌乾燒伊麵 ($48)賣相普通啦，雜菌唔夠多，汁欠奉；伊麵柔軟，但未夠乾身，比較普通焗豬扒飯除咗豬扒係素之外，成道菜都做得似模似樣。素豬扒上面舖滿晒茄醬，下面唔係蛋炒飯，但應該係炒過嘅飯，有少少焦嘅口感；但個醬偏酸，酸到而家打食評嗰陣個口都酸酸哋！素豬扒香酥脆口，入面嫩滑而且真係有嗰種纖維嘅口感，同真嘅豬扒真係好相似外賣咗個紅棗cheesecake返屋企食，不過冇影相。但只係最頂嗰層係紅棗，而且仲要冇紅棗味；芝士味道冇乜，而且舊蛋糕嘅質感