華香雞 (Closed)

好多次經過見到華香雞已經心郁郁想試下，聽講佢係老字號，啲雞出名夠滑，仲用上新鮮雞，呢晚終於有機會嚟食下。 餐牌選擇除咗有佢嘅signature華香雞同茶香雞外，仲有滷味小食，牛腩煲，白鱔煲等等，價錢又相當親民。兩口子乜都想試下，點咗華茶雞半隻再加金牌滷水飯。金牌滷水飯（$68）- 入面有鮮雞腎、滷豬耳、滷腩片、滷豬手、滷雞蛋，滷水夠晒入味，唔錯。個餐仲有白飯（可加$3轉黃薑飯）、老火湯或飲品。華香雞拼茶香雞（半隻 $118）- 華香雞同茶香雞兩款口味都各有特色，華香雞雞入口嫩滑，雞味濃郁。而茶香雞則有茶燻香味，入口充滿驚喜。點埋蔥油同豉油食，味道更加正。 黄薑飯 - 帶有淡淡薑黃味，配埋香嫩嘅雞肉食，味道超夾呀。 餐廳標榜不添加味精、雞精、糖精、醋精及香精，感覺健康好多。環境古色古香，充滿傳統特色，食物水準高，店員十分親切有禮，值得捧場。