Video
Read full review
2019-07-21
96 views
今晚約左frd去奧海城個邊，夜晚就諗住近近地係附近食野，佢話之前食過一間邊爐幾好食，而且唔算好貴，所以就決定試下。呢間表叔火鍋係大角咀，位置都算幾好搵，佢裝修係好典型既香港地道火鍋店，特別既係唔止打邊爐，仲可以食刺身，令我覺得好特別。湯底我特登揀蕃茄薯仔，夏天食酸酸地會特別開胃。我個frd推薦我食墨魚丸同蝦丸，話係手打既。真係堅好食，特別係蝦丸，好彈牙，見到成隻蝦勁足料呀。另外，我地叫左一碟招牌頂級牛頸脊，店長話係安格斯牛肉，賣相一流，而且肉味好出而且滾一滾就食得，好好味。另外，我地叫左即炸響鈴同蜂巢豆腐。響鈴係每次打邊爐都必叫。因為即炸，所以淥一下就食得，卜卜脆，而蜂巢豆腐加埋湯汁，好有水準。除左火鍋，我地都叫左幾款刺身試下，分別有紋甲魷魚刺身、八爪魚。估唔到個刺身都相當新鮮，紋甲魷魚加埋蟹子同紫菜，食法都好特別。八爪魚爽口同有鮮味。總括黎講，朋友果然無介紹錯，一d都唔伏，仲好好味，d位夠闊落，而且服務好好，成日見我地個湯唔夠就即刻主動加，仲有西瓜做飯後果，下次我會帶frd去食。
呢間表叔火鍋係大角咀，位置都算幾好搵，佢裝修係好典型既香港地道火鍋店，特別既係唔止打邊爐，仲可以食刺身，令我覺得好特別。
湯底我特登揀蕃茄薯仔，夏天食酸酸地會特別開胃。
我個frd推薦我食墨魚丸同蝦丸，話係手打既。真係堅好食，特別係蝦丸，好彈牙，見到成隻蝦勁足料呀。
另外，我地叫左一碟招牌頂級牛頸脊，店長話係安格斯牛肉，賣相一流，而且肉味好出而且滾一滾就食得，好好味。
另外，我地叫左即炸響鈴同蜂巢豆腐。響鈴係每次打邊爐都必叫。因為即炸，所以淥一下就食得，卜卜脆，而蜂巢豆腐加埋湯汁，好有水準。
除左火鍋，我地都叫左幾款刺身試下，分別有紋甲魷魚刺身、八爪魚。估唔到個刺身都相當新鮮，紋甲魷魚加埋蟹子同紫菜，食法都好特別。八爪魚爽口同有鮮味。
總括黎講，朋友果然無介紹錯，一d都唔伏，仲好好味，d位夠闊落，而且服務好好，成日見我地個湯唔夠就即刻主動加，仲有西瓜做飯後果，下次我會帶frd去食。
Post
