Video
Read full review
2010-04-02
13 views
假期前夕, Shopping 完, 好肚餓, 本來想食壽司, 但居然仲有成一百個號碼至到自己, 相信等到肚打鼓都未有得食, 見二樓有夢見屋唔駛等咁耐, 就排隊啦, 等左大約都超過二十分鐘先有得入座, 好多人, 好嘈, 但好肚餓無辦法啦, 食評如下 ~套餐 (一湯, 一主食, 一咖啡, 一蛋糕) HK$88 + 10%忌廉餐湯 ~ 份量好少, 好似一個日式茶杯仔既份量, 味道一般. 秘制山藥魷魚蝦意粉 ~ 意粉煮得剛好, 唔會腍晒, 但汁少左 d, 比較乾, 材料都略少, 多返 d 更好.和風燒汁雞扒飯 ~ 本來餐牌寫 C 餐係金沙骨飯, 叫菜時先講人知無晒, 又唔更正門口個餐牌, 被迫食雞扒飯, 雞扒煎得幾香, 飯粒香軟, 又 OK 喎! 綠茶蛋糕 ~ 本身蛋糕幾鬆軟可口, 有清幽綠茶香味, 但有一粒原粒栗子, 一食落去甜死人, 原來成粒用糖水浸過, 完全無栗子味, 只得甜味, 可能係佢地既風味, 但太甜下次唔食啦. 藍啤梨芝士蛋糕 ~ 好多 Blueberry 響餅面, 芝士味亦濃, 好味! 好過綠茶蛋糕好多, 雖然已經食到8成飽, 但依然堅持食晒佢! 有機咖啡 ~ 好香, 全個餐最
套餐 (一湯, 一主食, 一咖啡, 一蛋糕) HK$88 + 10%
忌廉餐湯 ~ 份量好少, 好似一個日式茶杯仔既份量, 味道一般.
秘制山藥魷魚蝦意粉 ~ 意粉煮得剛好, 唔會腍晒, 但汁少左 d, 比較乾, 材料都略少, 多返 d 更好.
和風燒汁雞扒飯 ~ 本來餐牌寫 C 餐係金沙骨飯, 叫菜時先講人知無晒, 又唔更正門口個餐牌, 被迫食雞扒飯, 雞扒煎得幾香, 飯粒香軟, 又 OK 喎!
綠茶蛋糕 ~ 本身蛋糕幾鬆軟可口, 有清幽綠茶香味, 但有一粒原粒栗子, 一食落去甜死人, 原來成粒用糖水浸過, 完全無栗子味, 只得甜味, 可能係佢地既風味, 但太甜下次唔食啦.
藍啤梨芝士蛋糕 ~ 好多 Blueberry 響餅面, 芝士味亦濃, 好味! 好過綠茶蛋糕好多, 雖然已經食到8成飽, 但依然堅持食晒佢!
有機咖啡 ~ 好香, 全個餐最出色既部份, 個杯又靚, 飲得暢快.
總括黎講, 9:00pm 前都要等位, 店內都幾嘈.
食物方面, 都幾好, 食物出得又快, 而且可以叫侍應先留住想要既蛋糕款式, 以免俾其他客人選擇晒而失望.
服務方面, 佢地真係好忙, 本人都覺得佢地有點喘不過氣既感覺, 所以有時真係服務比較唔貼心, 如果多返 d 人手好 d .
Post
