日溢中西美食 (Closed)

第一次寫食評，岩岩食左E間都唔錯，就寫E間啦！環境幾好，有卡位坐，有電視睇，正！三個人叫左西餐西冷牛扒拼薯菜配黑椒汁，椒鹽豬扒飯，焗肉醬煙鴨胸意粉，三隻炸雞比，加3杯凍檸茶～好好味，特別係我點嘅西餐，個黑椒汁夠辣夠野味，塊牛扒夠嫩唔硬，最緊要嘅係夠平，50幾蚊一個扒餐，原本諗住咁平，d質素唔會好得去邊，點知咁好食，good!其他嘅我朋友都話唔錯，值得一提係椒鹽豬扒飯，隻汁好特別，同出面嘅餐廳好唔同，甜甜地辣辣地，好好味，就咁餸飯食都一流！焗肉醬煙鴨胸意粉味道都唔錯，不過我嫌佢太多油～臨走之前見到隔離枱食炸雞比，我哋又口痕，叫咗三隻炸雞比，一人一隻，但係就等左兩三個字都未到，個侍應話雞比係要生炸，所以耐d，不過最後都冇咁嬲，因為見到啲雞比又香又脆又大隻，就算拉，好野要等既～凍檸茶飲品就正正常常，冇咩特別～整體都唔錯，下次會再來試其他野！