Video
Read full review
2018-09-06
290 views
今日小妹第一次帶大家黎食愛爾蘭餐廳，極力推薦。食完因為真係太好食，我都會寫哂係呢篇文章到，希望大家未食到都feel到呢場愛爾蘭盛宴。接住講既食物，係我同另一位女士，係一個月黑風高既晚上order，份量係比想像中，多好多。唔講廢話，要介紹下喇。位於Elements既civil square係有小小難搵既，因為我成幾年都冇去過Elements...真係大鄉里出城。所以提提大家，九龍站一條電梯一上就已經係，唔識就問人唔好自己傻豬豬周圍走~!一上到去環境好正，好寧靜，同平時去開既酒吧餐廳好唔同感覺，唔吵，空氣唔會有陣煙味酒味...行完一個圈，我地睇中呢間愛爾蘭酒吧餐廳，見佢地menu提供唔同小食，肉，炸物 同 最緊要既酒。一於食你喇!!!佢地有戶外座位，不過怕熱，所以都係入去坐喇。而地下呢層有幾部電視機如果想睇波既就岩哂喇。上到去二樓，昏暗既燈光同優美既環境令我放鬆心情，而且行完條樓梯就見到... ...幾個大型發酵酒桶，即刻打下卡呃下like先~先黎個小食，Calamari。點解係Calamari而唔係Squid?唔好以為佢地係同一樣野呀~Calamari既肉比起Squid更鮮甜味美同細嫩。
行完一個圈，我地睇中呢間愛爾蘭酒吧餐廳，見佢地menu提供唔同小食，肉，炸物 同 最緊要既酒。一於食你喇!!!佢地有戶外座位，不過怕熱，所以都係入去坐喇。而地下呢層有幾部電視機如果想睇波既就岩哂喇。
上到去二樓，昏暗既燈光同優美既環境令我放鬆心情，而且行完條樓梯就見到... ...
幾個大型發酵酒桶，即刻打下卡呃下like先~
先黎個小食，Calamari。點解係Calamari而唔係Squid?唔好以為佢地係同一樣野呀~Calamari既肉比起Squid更鮮甜味美同細嫩。沾上適量既炸漿再落鍋炸到變金黃。食起上黎wa.....軟嫩到彈性彈性，一D都唔韌唔鞋。更重要既係佢唔鹹，落埋小小青檸汁，送酒一流。兩個人食岩岩好
Calamari
$138
31 views
0 likes
0 comments
煎得香脆既外皮，配上香口既辣汁同嫩滑既雞雞腿+雞翼，真係令你想ncall再ncall。一件一口，佢既辣，唔係死辣，反而係令人慾罷不能。側邊既新鮮西芹條配埋佢地既藍芝士可以減輕下罪惡感...
Buffalo Wing
$145
9 views
0 likes
0 comments
黎得酒吧餐廳，又點小得酒呢?左邊一杯Mojito，入口清涼，係我去到邊都要飲既No. 1 飲料。用蘭姆酒、白砂糖、青檸汁、蘇打水和薄荷製成，絕對係你清新之選。而我朋友叫既黑啤，仲正...係渣出黎果D，口感濃郁，好純。仲要我地今晚叫左好多肉，必備佳品。
Mojito, Wednesday Guinness
$136
2 views
0 likes
0 comments
成吋厚既金黃色炸魚，好香既啤酒味，入口魚肉幾嫩滑，炸皮厚身得黎相當脆口，而且佢仲帶點油份。而且而且女士最怕咩呀?係油呀!!!而佢呢個食落一d都唔油膩，要怕就怕自己冇咁大個肚食咁大塊呀!!!!配埋我最愛既又粗又脆既薯條(多到好似任食唔洗錢咁!!!)我會話你知，如果我一個人食既話，會唔係好夠喉咁囉。
Fish & Chips
$240
29 views
0 likes
0 comments
5成熟既12oz 美國頂級肉眼扒。一黎到先見到炭爐燒出黎既烤紋，岩岩好5成熟。而且將肉汁都鎖係塊扒到，牛味香濃，再放大大塊既黑松露牛油，更惹味可口。所以D醬我地都冇點用到。柔軟既肉質，油脂分佈平均，夠哂juicy。
12oz Ribeye
$418
3 views
0 likes
0 comments
而且我地叫左跟薯蓉，好滑好creamy，不過味道較淡，但又係好大份!!!唔太重口味既你可以一試
有煙肉，炸洋蔥圈，煙燻車打芝士 同 燒烤醬。扒塊都幾厚身，不過我地叫左7成熟，下次可以叫生D，口感會冇咁干。我好好好中意食佢地個包夠軟，仲幾多咬口，而且佢地既配料都唔細份。
炸洋蔥圈，煙肉同煙燻車打芝士令呢個burger 口感同味道更突出。一個人食完呢個應該都飽...食burger就緊唔可以冇酸青瓜，甜甜地酸酸地可以去下膩，大愛
Texas BBQ Burger
$198
10 views
0 likes
0 comments
黎張大合照先~
識我既都知我真係甜品控，仲要今次對手好強勁，一於奉陪到底，食左先講呢個傳統蘋果批一切開香甜清新既蘋果味跑哂出黎，而且見到滿滿既蘋果肉，更重要既係我地兩個都唔中意肉桂味，偏偏呢個肉桂味一D都唔突出!!!再放上一球Vanilla雪糕同焦糖醬...我好想自己一個食哂佢......
Apple Tart
$88
11 views
0 likes
0 comments
而呢個大佬仲勁，要等20分鐘。用銅鍋載住個不斷冒出熱氣既朱古力蛋糕，再放球雲呢嗱雪糕，好正。一"不"起，先見到濃濃嘅朱古力再見到內層香嫩蛋糕同外層既香脆蛋糕，真係又凍又熱。因為佢真係即叫即整，所以真係好夠熱，食既時候要小心，特別係入面好嫩滑既流心朱古力，濃到爆呀~!仲要佢個份量真係好大碗呀!!鬼死咁滋味，一試難忘。而且用左銅鍋既關係，擺左陣再食都仍然咁夠熱，但又唔會令雪糕溶哂。濃厚既朱古力，一D都唔膩，食完仲有朱古力既小小回甘。必叫
Hot Chocolate cake
$88
8 views
0 likes
0 comments
雖然係甜品，但岩岩介紹既呢兩款甜品一D都唔會好甜，所以想食又怕甜既朋友真係要試下!!!
再係要再repeat黎呢到Eat Drink Chill!!搵個星期五 / 六，再約多D朋友黎開心下!!
Post
