妹記生滾粥品

Open Now

Now Closed

好少可上午嚟旺角，難得要喺旺角食Lunch，又咁啱想食粥，就想起旺角道街市樓上「妹記」。現在要食靚豬潤真的多咗選擇，不過妹記係有佢優點。論厚，妹記唔算厚，但都足夠有厚度，能食出豬潤的唔脆唔腍口感。其中一項我覺得妹記生滾比較明顯嘅係豬油味，佢哋會先豬油落鑊兜兜啲餸，然後撞落去白粥，所以上枱嘅白粥特別有豬油香，如果怕豬油味就唔好食，但對有好者而言就係妙品。對上一次食妹記及第粥已經成10年前，印象開始依稀，但記得係好嘢。唔清楚今時今日多唔多Foodie推介，或者食客口味真係變咗？睇落少咗人幫襯。當年旺角區必食粥品之一，到而家質素其實冇變，仍然係旺角數一數二靚粥（好旺角好耐冇食過，得閒寫下）。