拉麵達人 (Closed)

作為拉麵迷嘅我, 每次收工都會 Search 一下附近有冇拉麵店未試過, 今日去左佐敦呢間拉麵店搵食｡  店舖門面唔算好大, 但有大大隻字寫住 “達人”｡ 店內座位唔多, 周圍都擺滿好多日式懷舊小玩意、飲品 & 零食嘅裝飾, 非常特別 激辛火藥達人由於俾佢個名嚇親, 所以特別叫店員將個辣肉醬另上｡ 碗麵有兩塊叉燒, 配菜有粟米粒、木耳、蔥｡ 拉麵好有咬口, 湯底有豬骨味, 但唔夠濃厚｡ 如果加少少辣肉醬入去, 即刻變得好開胃｡ 雞軟骨餃子餃子外皮煎得非常香脆, 入面嘅雞軟骨令咬落去變得好有口感, 而且味道都唔錯