川之源

Open Now

Now Closed

朋友一向好鍾意食辣野， 佢話見到西環有間川菜館好想試，就約左星期六一齊去試下。餐廳位置都唔難搵，喺西營盤站c出口，大約行兩三分鐘左右就到。起初我都怕啲食物會太辣食唔到，但細心既店員提議我食bb辣， 話係一般人都接受到既辣度。酸菜魚片（無骨）魚片份量十足，肉質嫩滑，而且無骨啖啖肉，配料有酸菜粉絲蒜頭等等索哂湯汁既精華，湯底酸辣度十足之餘但不會嗆喉。四川涼麵麵質爽口彈牙既幼身麵條，酸辣惹味，係充滿四川既地道風味。清炒油麥菜炒得清甜爽口又唔油膩，唔錯。手工餃子菜同肉嘅比例剛剛好，餃子皮唔會太厚，係我最鍾意既韮菜餃。桂花冰粉桂花味香清甜， 食完辣野再食呢個冰粉即刻解辣，感覺透心涼！