Video
Read full review
2019-08-26
1097 views
本身諗住去某雜誌賣晒廣告位於佐敦嗰間食壽司，點知新店開張人龍長到見唔到隊尾，所以離開咗，沿着油麻地方向繼續行睇吓有冇日本料理，點知真係比我地搵到一間叫禮三丼既餐廳。餐廳做緊優惠，全日半價，就坐低左試試。餐牌款式多，性價比高，拉麵，壽司，刺身，炒飯丼飯都有 仲有自選定食套餐都只係$75，幾抵食！我哋就叫咗一版海膽，雖然同餐牌上面嘅圖片份量唔係好一樣，不過海膽真係好鮮甜，容易入口，絕對係高質海膽，不過紫菜就麻麻哋，可能放耐左唔夠脆。餐牌上面嘅海膽刺身係咁樣嘅。。。不過$100算係咁啦，圖片只供參考叫咗蟹子壽司，北寄貝壽司同油甘魚壽司同埋八爪魚刺身。壽司都係$18一款，除咗油甘魚其餘兩款都好新鮮，北寄貝爽甜！壽司飯醋味比較輕，個人比較鍾意食酸小小嘅壽司飯，蟹子壽司就冇乜特別，都係紫菜唔夠脆口，都好味既！呢味叫做金龍，即係炸蝦天婦羅壽司，真係即叫即炸，蝦天婦羅上到枱仲熱辣辣脆卜卜，壽司飯嘅比例啱啱好，好味！呢隻生蠔唔記得叫咩名，不過我極力推介！生蠔非常新鮮，大隻又飽滿！加埋秘製醬汁，別有一番風味，平時食生蠔我就咁加檸檬汁，因為我覺得咁先食到蠔嘅鮮味，今次呢隻基本上咩都唔使加，蠔本身好cream
餐廳做緊優惠，全日半價，就坐低左試試。
餐牌款式多，性價比高，拉麵，壽司，刺身，炒飯丼飯都有
仲有自選定食套餐都只係$75，幾抵食！
我哋就叫咗一版海膽，雖然同餐牌上面嘅圖片份量唔係好一樣，不過海膽真係好鮮甜，容易入口，絕對係高質海膽，不過紫菜就麻麻哋，可能放耐左唔夠脆。
餐牌上面嘅海膽刺身係咁樣嘅。。。不過$100算係咁啦，圖片只供參考
叫咗蟹子壽司，北寄貝壽司同油甘魚壽司同埋八爪魚刺身。壽司都係$18一款，除咗油甘魚其餘兩款都好新鮮，北寄貝爽甜！壽司飯醋味比較輕，個人比較鍾意食酸小小嘅壽司飯，蟹子壽司就冇乜特別，都係紫菜唔夠脆口，都好味既！
呢味叫做金龍，即係炸蝦天婦羅壽司，真係即叫即炸，蝦天婦羅上到枱仲熱辣辣脆卜卜，壽司飯嘅比例啱啱好，好味！
呢隻生蠔唔記得叫咩名，不過我極力推介！生蠔非常新鮮，大隻又飽滿！加埋秘製醬汁，別有一番風味，平時食生蠔我就咁加檸檬汁，因為我覺得咁先食到蠔嘅鮮味，今次呢隻基本上咩都唔使加，蠔本身好creamy 好滑加上醬汁又好鮮甜，簡直係享受！
半磅肥美三文魚，肥瘦適中，肉質唔會太實，但又未至於入口即溶，我比75/100分，而家做緊半價幾十蚊真係好抵食！
燒魷魚係就幾香，不過好似過熟硬左小小，甜甜地有啲炭燒既香味。不錯
食咁多嘢埋單都係五百幾蚊，超抵食！
Post
