德國佬餐廳

Open Now

Now Closed

由西鐵站行到德國佬要10分鐘，33度嘅溫度下行過嚟，真係幾熱下。餐前麵包外脆內軟，熱辣辣。餐湯係意大利雜菜湯，我無飲到但睇到好足料。等左十零分鐘就上主菜，係香煎雞扒咖喱意大利飯（$58）。雞扒煎得剛剛好，微脆，內裏仲好滑。咖喱飯入面有三色椒粒同洋蔥粒，食落惹味，飯量好多，下次去會叫少飯😆 最後用杯橙汁做結尾，正。呢間鋪頭望落唔起眼，但係食物質素同服務態度都好好，環境都好舒服，晏就無加一，真心無得彈，希望老細長做長有。