德國餐廳 (Mikiki)

Open Now

Now Closed

前兩日同屋企人去咗一間係mikiki商場入面嘅德國餐廳食晚飯，感覺都算幾好食，就推介俾大家。呢度嘅位置唔算難搵，室內室外都有餐檯，俾我揀都係係室外食德國餐有feel d。講番野食方面，提到德國餐就梗係要提到德國鹹豬手。呢度嘅德國鹹豬手做得幾好嘅係味道唔會太鹹，食到豬手嘅肉香味，而且肉質鮮嫩，外皮脆口又唔硬身，幾岩我口味。跟住就係個斧頭一字牛肋骨，講真呢個算係我食過嘅牛排入面，出品比較好嘅。牛肋骨分量好大，連住一條大骨上，平時啲牛排肉質可能會有少少鞋，咬起身有撕扯感，但係呢個牛肋骨就完全唔會，口感上有啲彈牙嘅感覺，而且肉質完全封鎖咗係牛肋骨入面，牛味夠曬濃，我自己一個人都差唔多食咗半塊，真係幾好食，又唔會有平時牛排個種飽滯感。最後就係一份芝士焗薯條，不過不失啦，薯條分量都夠，食到入面嘅薯仔，芝士都夠香濃，食起身好香口，我發覺原來芝士同薯條真係幾夾。呢間餐廳價錢我覺得真係唔算貴，算係比較平民化嘅德國餐聽，住係附近嘅朋友都可以黎試下，包你唔會失望。