維港灣餃子坊 (Closed)

是日黎左維港灣餃子坊都試下佢啲餃子，見好多谷友讚但又話排好耐隊喎，咁就下午茶是段黎啦，博佢無咁多人嘛。門面用上黑底白字，好有潮味喎。本來有幾個人坐係度等外賣，等人行開左先影相啦，咦咦～原來可以外賣生餃子，買啲返去打邊爐都好喎。枱上有各式調味品，最緊要係辣菜脯！辣辣地同餃子特別夾㗎。油菜（$16）餐餐都係多肉少菜，叫返碟油菜食下先，正正常常的滾水淥生菜，加啲蠔油簡單又好味。是日老火湯係粉葛生魚湯，好濃味噃，熱辣辣好飲。招牌四拼湯餃（$42）一碗有八隻，顧名思義就係四款每樣兩隻，有大白菜，韭菜，香芹，芫茜。隻隻都爆餡㗎，菜同肉比例唔錯，個人較喜愛芫荽同韭菜餃，呢兩款香口啲，唔唔，好似無得揀雙拼餃子？簡簡單單又一餐，唔錯唔錯。