煮打菜打冷小菜館 (Closed)

今次已經係第三次黎依到食打冷！真係次次黎都係咁好食！首先係個滷水拼盤，全部都好入味，滷水唔會太濃，直頭係岩岩好，去親出面既打冷都最驚個汁太濃會搞到食乜都一樣味，依到就真係完全唔洗擔心！個豬耳又夠哂爽口，所以食食下都要叫番枝asahi飲下先夠過癮！之後就係椒鹽九肚魚，脆得黎岩岩好，唔會好厚粉，食落仲有啲魚香，依個餸送酒又係一流！跟住仲叫左個啫啫菜煲，啲菜真係好好食，依個無油真係唔會整得好食，但最正係佢唔會好油，夾上黎唔係反哂光，食入口係好香！加埋啲肉碎真係無得頂！環境又係好夠大，又夠乾淨，坐得好舒服，伙記態度又好，真係一定會再番黎食！