尚點 小籠包.上海麵館 (元州商場) (Closed)

六點咁上下嚟到，餐廳未算好多人，兩個人都坐到卡位。四人位寬敞更似六人位，相當舒服！叫左個上海擔擔麵同埋一個青菜煨麵。上海擔擔麵個湯底做得相當出色，上枱麻香辣香味撲鼻，輕輕攪動湯底濃稠剛好，嚐一嚐湯底濃郁，麻醬味夠另加香脆花生粒增口感，再加上輕輕少辣唔會搶。麵質煙韌有咬口，撈起掛湯好，沾上芝麻肉碎有多重口感。雖然相比正宗麵質略粗，但係始終係連鎖店要大量採購先有咁嘅價錢，其實已經相當唔錯。青菜煨麵相對失色，湯味鮮，惟麵質只係稍為比擔擔麵軟身，少少溶都冇，感覺講唔上係煨麵。