一休(居食屋)日本料理 (38廣場)

Open Now

Now Closed

有朋友介紹我哋呢間日本菜好抵食同埋好味，所以我哋這日兩個嚟食野上到去見到間店後，估唔到都幾大，坐得都好舒服。另外佢都有日式嘅佈置，感覺幾靚。餐牌上面嘅菜式好多！款款都好吸引。我哋叫咗以下嘅食物：蟹子海膽炒飯炒得粒粒分明，充滿海膽香味，蛋香、蔥花都為呢個海膽炒飯鮮味更加提升。大阪燒煎得好香口，材料都好豐富，同埋都幾大份。紫芋金栗餅外面香脆，裏面軟綿綿甜甜牛油果剛好熟好有果香，軟殼蟹都炸得外邊香脆，加埋日式沙律醬，整個卷物都好好味！店內本身有綠茶給客人飲，另外你我哋都去咗一罐可樂一齊飲。甜品我哋叫咗日式芝士蛋糕，及紅豆綠茶雪米糍。日式芝士蛋糕味道香濃，口感結實。紅豆蓉香甜，綠茶雪米滋茶味都幾香。整體來講店舖飾品價錢合理，質素唔錯。欣賞佢哋餐牌食物選擇多元化，店舖位置交通方便，又坐得舒服，係約朋友食飯嘅好選擇。