曼谷車站

Open Now

Now Closed

今日到得寶商場穩朋友，朋友介紹有間大眾泰國菜「曼谷車站」味道幾好，呢個商場似迷宮😂好彩餐廳整佐指示牌好快就穩到，舖頭裝飾成車站咁，都幾特別！堂食卡座都好闊落，似一卡卡車廂，好有趣！午餐套餐都好便，四十至五十幾蚊包嘢飲，點佐兩個套餐兩個小食都唔晒兩百真抵食！泰式炒金邊粉：用泰式醬炒，支幾點新鮮青檸檬汁，酸酸甜甜唔辣，粉絲唔算太淋，有蝦、豆腐乾、花生碎，都幾好味。冬蔭功炒飯：份量都好多，酸酸辣辣好惹味，仲有一個荷包蛋。串燒（半打）：牛肉豬肉雞肉各兩串，配上沙爹醬，好啱口味。炸春卷：外皮好脆，裡面包菜，熱辣辣好食。午市套餐好優惠，仲有好多選擇，下次再幫襯試試其他嘢。