薄餅地

Open Now

Now Closed

居然紅磡有間隱世薄餅小店, 出奇好食又抵食。兩人晚餐共點了一個披薩地（$118）、西班牙煙肉球（$38）及松露雜菌意粉（$58）, 各員工有禮待人, 現場等候十分鐘, 都算快手。 由點餐帶到返屋企用餐相隔三十分鐘, 估唔到品質依然保持到好水準。首先評論薄餅, 餅底煙韌, 有咬口, 唔似一般普通麵包, 配料很高質素, 每件薄餅都均勻有餡料, 而且薄餅很有煙燻香味, 芝士鬆軟, 即叫即做, 熱辣辣。跟住到西班牙煙肉球, 唔係周圍食到, 四件大大粒, 拎到返屋企都依然脆口, 配有兩款醬汁, 抵食之選。最後, 松露雜菌意粉，一打開盒有濃濃松露香, 最抵讚係好多姑菌, 食落唔會好濟胃, 啱曬女仔食, 整體味道唔會太鹹, 以外賣質嚟講相當高質, 值得一試, 誠意推介。