鴨子園 (Closed)

天水圍抵食餐廳，餐廳環境幾大幾舒服，跟朋友聊聊天，幾好坐，啲食物都起得快，熱喇喇的，啱晒餓到飛起的我們！餐牌都有好多選擇，先點了擔擔麵，辣辣地，個湯唔會太杰，香香濃濃的湯底，刺激口水分泌，好開胃，好味道～再點了必吃小籠包，經典美食，一籠四粒，皮薄多汁，湯汁香濃，肉味鮮美，正～素鵝，賣相吸引，香脆多料，唔油膩，食唔停口！北京烤填鴨，一般大酒樓要一隻隻叫，鴨子園既烤鴨細細份，可以過過口隱，啱晒兩公婆或者少人既飯局點來試試，精緻，無蘇味，包埋青瓜點埋醬食，yummy～鴨包子，黎到鴨子園，當然要點多款鴨食品，香香甜甜的包，軟軟熟熟的包子，補充殿粉質，飽肚之選。成餐飯五樣食品都是$280，街坊的價錢，食到飽飽的，胃口滿足，值得推介天水圍的朋友試試。