金泰燒烤

Open Now

Now Closed

呢度好有泰國街邊嘅風味，如果想要食環境同埋服務，就建議你唔好嚟，但係食味道嘅話呢度絕對係好味抵食嘅我覺得最好食嘅唔係串燒，串燒算係不過不失，我唔會特別推介。蝦餅係新鮮炸起，熱辣辣亦都好彈牙。青木瓜沙律同埋鳳爪沙律都好入味，好夠辣，味道好正中，唔係改良過適合香港人口味嗰種味道。另外冇諗過咁好食嘅係雞肉炒河，一般人通常都會叫泰式炒貴刁，但係呢個炒河好味好多，好有鑊氣而且一啲都唔覺得油，河粉亦都好軟滑煙韌。豬肉碎炒飯亦都非常唔錯，不過如果佢係乾炒會更好，今次呢個有少少汁