Ocio (Closed)

見雜誌介紹呢間餐廳，話佢既拿破崙每日限定，於是專程黎試下。OCIO係豚王隔離，唔難搵。OCIO並唔大，只有約10張台，雖然有下午茶，但我一心想試其他野，所以揀左all day breakfast ($59) 同芒果開心果醬拿破崙($29)。all day breakfast都幾大份(特別係條腸，都幾巨!巨腸!)，炒蛋加左鮮奶炒，都幾香滑，但waffle就一般，林林地，但總體都不錯，$59有咁既份量同質素都算係幾好。食完個all day breakfast後其實都飽，所以兩人share左個拿破崙，旨在試下件餅。d皮好酥，並不如其他食評所講既咁差！中間夾心既醬甜度適中，並唔會太甜，配合埋個皮同伴碟既朱古力醬&開心果仁剛剛好! presentation亦好吸引，個拿破崙算係有驚喜! 推介!!美中不足既係個環境,當日成29度，但餐廳內冷氣不足，叫左侍應開大D個冷氣先發覺個冷氣已開到最大!加上射燈，男友一路食一路出汗，離開時，竟然發覺街仲涼過間餐廳!! 到夏天時點算! 莫非要冬天先黎得?! 另外，想講間餐廳唔知係唔係廚房抽氣不足，成間餐廳都有一陣油煙味，希望呢兩點都可以改善下啦!