謝謝儂 (V City) (Closed)

突然心血來潮想食上海野，就同家姐嚟咗屯門V city入邊間謝謝儂餐廳。打開餐牌見到圖片，入邊好多嘢都好想食呀！最後我哋叫咗: 酸菜煮桂花魚入邊啲桂花魚好滑身，仲要係好厚身！我唔鍾意食魚，但係呢個桂花魚完全冇魚腥味，可以接受。至鍾意食入邊嘅薯粉，滑溜溜咁。啲湯酸酸辣辣咁樣，非常開胃！整個份量都好大份下，可以幾位一齊share 。干扁四季豆關扁四季豆入邊用左肉碎同蒜蓉來炒，啲肉碎炒到好香，如果撈飯食就真係一流！四季豆好爽口，令到人哋食唔停口。北京炸醬麵炸醬麵會配埋一碗湯，啲麵係幼身同埋口感好滑。開頭以為炸醬麵係辣嘅，但原來上海野嘅炸醬麵係唔辣嘅。上面有肉碎同濃濃嘅汁，撈埋啲面嚟食正呀！謝謝儂小籠包一籠有四個小籠包，每個小籠包皮薄餡靚！小心入邊啲湯汁，因為係蒸好後即刻攞過嚟，所以食嗰時要小心熱啊！豆沙鍋餅甜品梗係要試埋上海最出名嘅豆沙鍋餅，上菜嗰時都係熱辣辣㗎，豆沙鍋餅口感好香脆，食到入面啲紅豆味，每件上面仲舖左椰絲。好滿足嘅一餐啊！加埋1先400蚊鬆啲咋！